دی راک کا ڈبلیو ڈبلیو ای میں واپسی کا اعلان، سروائیور سیریز میں شرکت کریں گے

image

ڈبلیو ڈبلیو ای کے معروف ریسلر اور ہالی ووڈ اداکار ڈوین جانسن المعروف ’دی راک‘ نے سروائیور سیریز میں واپسی کا اعلان کردیا، جس کے بعد ان کے مداحوں میں جوش و خروش بڑھ گیا ہے۔

54 سالہ دی راک نے پیٹ میکافی شو میں گفتگو کرتے ہوئے کہا کہ ’’پیپلز چیمپئن واپس آرہا ہے، اگلے ہفتے سروائیور سیریز میں سب سے ملاقات ہوگی۔‘‘ انہوں نے کہا کہ وہ اس ایونٹ کو کسی صورت نہیں چھوڑ سکتے اور شرکت کے لیے ہیوسٹن جا رہے ہیں۔

دی راک نے انکشاف کیا کہ انہوں نے اپنی نئی فلم ’جمانجی‘ کے تشہیری دورے کا شیڈول بھی تبدیل کروایا تاکہ اس اہم ایونٹ میں شرکت کرسکیں۔

واضح رہے کہ ڈبلیو ڈبلیو ای میں ان کے ڈیبیو کو 30 سال مکمل ہونے پر خصوصی تقریبات اور سرگرمیوں کا سلسلہ جاری ہے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US