سعودی پرو لیگ میں کرسٹیانو رونالڈو کے گول کے باوجود النصر کو الاہلی کے ہاتھوں 3-1 سے شکست کا سامنا کرنا پڑا، جبکہ پرتگالی اسٹار تاریخی 1000 گولز کے سنگ میل سے صرف 14 گول دور رہ گئے۔
رونالڈو نے میچ کے 14ویں منٹ میں گول کرکے ٹیم کو برتری دلائی، جس کے ساتھ ان کے کیریئر کے مجموعی گولز کی تعداد 986 ہوگئی، تاہم چار منٹ بعد پنالٹی کک گول پوسٹ سے ٹکرا کر واپس آگئی۔
الا ہلی کی جانب سے گیلینو نے پہلے ہاف میں مقابلہ برابر کیا، جبکہ دوسرے ہاف میں ایوان ٹونی نے پنالٹی اور راجر ایبانیز نے ہیڈر کے ذریعے مزید دو گول کرکے ٹیم کو 3-1 سے فتح دلادی۔
شکست کے بعد النصر 28 پوائنٹس کے ساتھ تیسرے جبکہ الاہلی 24 پوائنٹس کے ساتھ چوتھے نمبر پر آگیا۔ رونالڈو کے لیے 1000 گولز کے قریب پہنچنے کے باوجود یہ میچ مایوس کن ثابت ہوا۔