حیدرآباد میں میڈیا نمائندوں سے بات چیت کرتے ہوئے سندھ کے وزیر بلدیات ناصر حسین شاہ نے کہا کہ سندھ کی وحدت پر کوئی سمجھوتہ نہیں ہوگا اور یہ صوبہ ایک ہی رہے گا۔
ان کا کہنا تھا کہ یہ بات سمجھ سے بالاتر ہے کہ کاروباری حلقے نئے صوبوں کا معاملہ کہاں سے لے آئے ہیں۔
اپنی گفتگو میں صوبوں کی تقسیم کے حوالے سے مزید اظہار خیال کرتے ہوئے ناصر حسین شاہ نے واضح کیا کہ ان کی جماعت کسی ریفرنڈم سے خوفزدہ نہیں ہے، تاہم اگر پاکستان پیپلز پارٹی کو نظر انداز کر کے اس قسم کا کوئی ریفرنڈم کرانے کی کوشش کی گئی تو وہ سندھ کے عوام کے شانہ بشانہ کھڑے ہوں گے۔
انہوں نے اس عزم کا اعادہ کیا کہ سندھ ناقابل تقسیم ہے اور کاروباری حضرات کی جانب سے اٹھائی جانے والی نئے صوبوں کی باتیں بے بنیاد ہیں۔