پاکستان کی معیشت کےلئےبڑی خوشخبری

 پاکستان کی معیشت کےلئےبڑی خوشخبری،عالمی ریٹنگزایجنسی موڈیزنےپانچ پاکستانی بینکوں کا آؤٹ لک مستحکم کردیاہے۔

تفصیلات کےمطابق عالمی ریٹنگز ایجنسی نے موڈیز نے پاکستانی معیشت کےبعد پاکستان کےپانچ بڑےکمرشل بینکوں کاآوٹ لک منفی سےمستحکم کردیا،ان بینکوں کی ریٹنگ بی تھری پر برقرارہے، آوٹ لک کو منفیٰ سے مستحکم کیا گیا ہے۔

 مستحکم کئے جانےوالے بینکوں میں الائیڈ بینک، حبیب بینک، نیشنل بینک,مسلم  کمرشل بینک اوریونائٹیڈ بینک شامل ہیں۔

اس  حوالے سےموڈیزکاکہناہےکہ پاکستانی بینکوں میں ڈپازٹس کا حجم مستحکم ہے، پاکستانی بینکوں نے حکومتی سیکیورٹیزمیں بھاری سرمایہ کاری کر رکھی ہے،جس کےباعث بینکس کی ریٹنگز حکومت کےساتھ منسلک ہوجاتی ہے،حکومتی آوٹ میں بہتری بینکوں کی بہتری کاباعث بن رہی ہے۔

عالمی ریٹنگزایجنسی کا مزید کہنا تھا کہ آپریٹنگ ماحول اور سووورن ریٹنگز میں بہتری بینکوں کی درجہ بندی میں بہتر کرنے کا باعث بنےگی۔

واضح رہے کہ چند روزقبل موڈیزنےپاکستانی معیشت کاآوٹ لک مستحکم قراردیا تھا اور کہا تھا کہ اگرچہ زرمبادلہ کے ذخائر اب بھی کم ہیں اور انہیں بہتر ہونے میں وقت لگےگامگر پالیسی ایڈجسٹمنٹ اور آزادانہ شرح مبادلہ سے ادائیگیوں کے توازن کی بہتری میں مدد ملے گی۔

جس کے بعدعالمی اداروں کی جانب سےمعاشی میدان میں پاکستان کی جانب سے کی گئی اصلاحات کو سراہا گیا تھا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.