نومبر کا آخری ہفتہ : مہنگائی کی شرح میں 0.72 فیصد کمی

نئے مالی سال 2019-20ء کے پانچویں ماہ (نومبر2019ء ) کے آخری ہفتے کے دوران مہنگائی کی شرح میں 0.72 فیصد کمی ریکارڈ کی گئی، جبکہ کم آمدنی والے طبقے کے لئے قیمتوں کے حساس اشاریئے میں 0.90 فیصد کمی ریکار ڈ کی گئی۔ پاکستان بیور و شماریات کے اعداد و شمار کے مطابق30 نومبر کو ختم ہونے والے ہفتے کے دوران کیلے ،آلو، دال مسور ،دال مونگ ،دال ماش، لہسن ، ملک پاؤڈر، خوردنی تیل، بیف،مٹن، ویجی ٹیبل گھی ،مسٹرڈ آئل ، سمیت 16 اشیائے ضروریہ کی قیمتوں میں اضافہ ہوا۔ زندہ مرغی، انڈے، ٹماٹر،پیاز ،گڑ، چینی، گندم، آٹا ،ایل پی جی ،چنے کی دال ،سمیت 10اشیائے ضروریہ کی قیمتوں میں کمی ریکارڈ کی گئی۔ ادارہ شماریات کے مطابق پیٹرول ، ہائی سپیڈ ڈیزل، مٹی کاتیل ،گیس نرخ ،بجلی کے نرخ ،بجلی کا بلب ،تازہ دودھ ،دھی،چائے، روٹی سادہ ،باسمتی چاول،اری چاول ،سرخ مرچ، سگریٹ،نمک ، صابن ، سمیت 25 اشیائے کی قیمتوں میں استحکام رہا۔ گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.88، 0.80،0.77 اور 0.61 فیصد کمی ریکارڈ کی گئی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.