اسپتالوں میں مکمل طور پر پان، گٹکا، چھالیہ اور تمباکو کے استعمال پر پابندی عائد

بلدیہ عظمیٰ کراچی کے ہسپتالوں میں پان، گٹکا، چھالیہ اور تمباکو کے استعمال پر پابندی عائد کرنے کا فیصلہ کرلیا گیاہے، ڈاکٹروں سمیت طبی و نیم طبی عملے، تیمارداروں کو تمباکو کے استعمال پر جرمانہ کیا جائے گا۔

تفصیلات کے مطابق کراچی کے سرکاری سپتالوں میں صفائی کی صورتحال کے پیش نظر تمباکو کے استعمال پر پابندی عائد کرنے کا فیصلہ کرلیا گیا، پان کی پیکوں سے رنگین سرکاری ہسپتالوں کی دیواریں اس بات کا ثبوت ہیں کہ اسپتالوں میں گٹکا اور تمباکو کثرت سے استعمال کیا جارہا ہے جس میں اسپتال ملازمین بھی شامل ہیں، بلدیہ عظمیٰ کراچی نے ماتحت اسپتالوں میں ہر طرح کے تمباکو کے استعمال پر پابندی عائد کرنے کا فیصلہ کرلیا ہے۔

بلدیہ عظمیٰ کراچی کی سینئر ڈائریکٹر ہیلتھ اینڈ میڈیکل سروسز ڈاکٹر سلمیٰ کوثر نے کہا ہے کہ میئر کراچی وسیم اختر کی ہدایت پر بلدیہ عظمیٰ کے ماتحت تمام ہسپتالوں میں پان، گٹکا، چھالیہ اور تمباکو نوشی پر پابندی عائد کر دی ہے ابتدائی طور پر خلاف ورزی کرنے والے ملازمین کو ایک ہزار روپے جرمانہ عائد کیا جائے گا اور شوکاز نوٹس جاری کیا جائے گا، اس حوالے سے تمام ہسپتالوں کی انتظامیہ کو احکام دے دیے گئے ہیں جن پر سختی سے عمل کرنے کا کہا گیا ہے، کوشش ہے کہ تمام ہسپتالوں میں فیصلے پر عمل درآمد یقینی بنائیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.