امریکی پائلٹ نے محبوبہ کے لیے منگنی کی انگوٹھی کو خلاء کی سیر کرواڈالی

امریکی فضائیہ کے ایک پائلٹ نے نہایت منفرد اور انوکھے انداز سے اپنی محبوبہ کا ہاتھ مانگ کر اسے حیران کر دیا۔ مذکورہ پائلٹ نے ایک غبارے کے ذریعے منگنی کی انگوٹھی کو خلا میں بھیجا اور پھر انگوٹھی کے واپس زمین پر آنے کے بعد اسے اپنی محبوبہ کو پیش کیا۔

برطانوی اخبار ڈیلی میل کے مطابق کہانی کا آغاز اس وقت ہوا جب امریکی ریاست میزوری سے تعلق رکھنے والے امریکی فضائیہ کے پائلٹ اسٹیورٹ شیپی نے اپنی محبوبہ میری لیزمین اور بعض دیگر ساتھیوں کے ہمراہ ایک میڈل کو غبارے میں لٹکا کر خلا میں بھیجنے کا منصوبہ بنایا۔ بعد ازاں غبارے کو آسمان میں چھوڑنے سے چند لمحے قبل شیپی نے میڈل کو اس امید کے ساتھ منگنی کی انگوٹھی کی "نقل" سے تبدیل کر دیا کہ غبارے کی واپسی پر یہ شیپی کی منگیتر کو مل جائے گی۔

شیپی نے اپنی محبوبہ میری کو بتایا کہ وہ غبارے کے ساتھ ایک دھات کی کرنسی لٹکائے گا اور غبارے کے ساتھ ایک کیمرا بھی نصب ہو گا۔ اس کیمرے کے ذریعے غبارے کے پورے سفر کی ریکارڈنگ ہو گی۔

شیپی کی جانب سے چھوڑا گیا فضائی غبارہ آسمان کی جانب بلند ہونا شروع ہوا یہاں تک کہ وہ 90 ہزار فٹ کی بلندی پر پہنچ گیا۔ اس دوران غبارہ تیزی سے گھومنے لگا اور پھر پھٹ گیا۔ اس کے نتیجے میں غبارے کے ساتھ موجود پیکٹ زمین پر آ گرا۔ غبارے کے ساتھ مربوط بکس میں GPS نظام نصب تھا جس کی مدد سے انگوٹھی کو تلاش کر لیا گیا۔ میری اور شیپی کو یہ انگوٹھی ایک کھیت میں ملی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.