پاکستان سپر لیگ فائیو ، کوئٹہ گلیڈی ایٹرز اور اسلام آباد یونائیٹڈ کی ٹیمیں آج مدمقابل ہونگی

 راولپنڈی (92 نیوز) پاکستان سپر لیگ فائیومیں آج راولپنڈی میں میدان سجے گا۔ دفاعی چیمپئن کوئٹہ گلیڈی ایٹرز اور اسلام آباد یونائیٹڈ کی ٹیمیں شام سات بجے مدمقابل ہونگی۔

پاکستان میں پی ایس ایل فائیو کے دلچسپ مقابلے جاری ہیں۔ اسلام آباد یونائیٹڈ کی ٹیم ہار کا بدلہ چکا پائے گی یا دفاعی چیمپئن کوئٹہ گلیڈی ایٹرز ایک بار پھر میدان مارنے میں کامیاب  ہو گی ، آج راولپنڈی اسٹیڈیم میں چوکوں چھکوں کی بارش ہو گی۔ شام سات بجے دفاعی چیمپئن کوئٹہ گلیڈی ایٹرز اور اسلام آباد یونائیٹڈ کی ٹیموں میں زور کا جوڑ پڑے گا۔

ایونٹ میں اسلام آباد یونائیٹڈ نے ابھی تک  تین میچز کھیل کر دو میں کامیابی سمیٹی اور ایک میں ہار کا سامنا کرنا پڑا۔ دوسری جانب کوئٹہ گلیڈی ایٹرز کی ٹیم  نے بھی ٹورنامنٹ میں تین میچز کھیلے ہیں ۔ دفاعی چیمپئن نے دو میں فتح حاصل کی اور ایک میں ناکامی کا سامنا کرنا پڑا۔

ایونٹ کے افتتاحی میچ میں کوئٹہ گلیڈی ایٹرز نے اسلام آباد یونائیٹڈ کو تین وکٹوں سے شکست دی تھی ۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.