عالمی وبا نے دنیا بھر میں تباہی مچا رکھی ہے۔ کورونا وائرس تیزی سے پھیلنے کے خطرے کے سبب پاکستان میں 23 مارچ کی پریڈ منسوخ کر دی گئی۔
اس موقع ہر شہری نے یومِ پاکستان اپنے گھر میں ہی گزارا۔ ہماری پاکستانی شوبز کی انڈسٹری کے چند فنکار نے بھی یہ دن گھر میں رہتے ہوئے بڑے جوش سے منایا۔
آئیے ملاحظہ کریں کچھ جھلکیاں۔۔۔
پاکستان کی معروف گلوکارہ کومل رضوی نے ہرے رنگ کا لباس زیب تن کر کے قومی ترانا پڑھا اور اس دوران انہیں نم آنکھوں کے ساتھ بھی دیکھا گیا۔
اداکارہ ثروت گیلانی نے اپنے شوہر فہد مرزا اور بچوں کے ساتھ یومِ پاکستان کے دن گھر پر قومی ترانہ پڑھا۔
نوجوان گلوکار عاصم اظہر نے یومِ پاکستان کے دن مشہور گانا 'دل سے میں نے دیکھا پاکستان' گایا، اور قوم کو یہ پیغام دیا کہ یقیناً یہ مشکل وقت ہے لیکن ہم جلد اس سے باہر نکل آئیں گے۔
اداکار جنید خان نے یومِ پاکستان کا دن لاک ڈاؤن کی وجہ سےاپنے ہی گھر پر بیٹے کے ساتھ قومی ترانہ پڑھا۔
معروف اداکارہ عائشہ عمر نے یومِ پاکستان کے دن لاک ڈاؤن کی وجہ سے گھر ہی میں اپنا وقت گزارا اور قومی ترانہ پڑھا اور قوم کو اس صورتحال میں متحد رہنے کا پیغام دیا۔