صوبائی وزیر تعلیم سندھ سعید غنی کا کہنا ہے کہ کورونا وائرس کے باعث بند تعلیمی اداروں کو ایس او پیز کے مطابق مرحلہ وار کھولنے کی سفارش کی ہے۔
تفصیلات کےمطابق کراچی میں وزیرِ تعلیم سندھ سعید غنی کی زیرِ صدارت محکمۂ تعلیم کی اسٹیرنگ کمیٹی کا اجلاس ہوا جس میں تعلیمی اداروں کو کھولنے اور جاری کردہ ایس او پیز پر تبادلۂ خیال کیا گیا۔
سعید غنی کا کہنا تھا کہ سفارشات کے مطابق 15 ستمبر کو تمام تعلیمی ادارے ایک ساتھ نہ کھولے جائیں، بلکہ تعلیمی اداروں کو مرحلہ وار کھولے جائیں۔
صوبائی وزیر کا کہنا تھا کہ کمیٹی سفارشات کے مطابق 15 ستمبر سے کلاس نہم سے اوپر کی کلاسز کو کھولا جائے، کلاس 6 سے 8 تک 21 ستمبر اور پری پرائمری سے 5 تک کلاس کو 28 ستمبر سے کھولا جائے۔
ان کا کہنا تھا کہ ہم تعلیمی اداروں کے حوالے سے 7 ستمبر کو این سی او سی کے اجلاس کے بعد ہی کوئی حتمی اعلان کریں گے۔
Click here for Online Academic Results