چین میں 6 ماہ بعد آٹو شو کا انعقاد

 چین میں عالمی وبا کے باعث نظام زندگی درہم برہم ہو گیا تھا ،لاک ڈاؤن کے باعث تمام تر عوامی تقریبات، فیشن کے میلے اور دیگر ایونٹس منسوخ کر دیے گئے تھے۔

چین میں صورتحال بہتر ہونے پر معمولات زندگی بحال ہونا شروع ہو گئی ہے اور کورونا وبا کے 6 ماہ بعد چین میں آٹو شو کا انعقاد کیا گیا ہے۔

غیر ملکی خبررساں ادارے کے مطابق چین کے دارالحکومت بیجنگ میں 6  ماہ بعد ’بیجنگ آٹو شو‘ میں چمچماتی گاڑیوں کے نئے ماڈلز متعارف کرائے گئے۔

بیجنگ آٹو شو میں جہاں مختلف کمپنیوں نے گاڑیوں کے نئے ماڈلز متعارف کرائے تو وہیں اُڑنے والی کار بھی نمائش کے لیے پیش کی گئی جو  سب  کی توجہ  اپنی  طرف  مبذول کرانے میں  کامیاب  ہوگئی  ۔

  بیجنگ میں ہونے والی آٹو شو مارچ  2020  میں منعقد ہونا تھی تاہم عالمی و با کے باعث اسے منسوخ کرنا پڑا تھا  ۔

 چین میں بی ایم ڈبلیو اے جی کےسی ای او ، جوچن گولر 2020 بیجنگ موٹرشوکوامید کی علامت  قرار دیا ہے ۔  انہوں نے  ڈاکٹرز اور پیرا میڈیکل اسٹاف کو خراج عقیدت پیش کرتے ہوئے کہا کہ ان تمام  میڈیکل ورکرزکی بدولت ہی آج اتنےوسیع  پیمانے پر ایونٹ منعقد کرناممکن بنایا ہے  ۔

  بیجنگ میں منعقد ہونے والے آٹو شو میں چین سمیت دنیا بھر کی آٹو انڈسٹری نے ماڈلز پیش کئے ۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

160