شوبز سے کنارہ کشی کے بعد حمزہ علی عباسی آج کل کیا کر رہے ہیں؟ خود ہی بتا دیا

شوبز سے کنارہ کشی کے بعد حمزہ علی عباسی آج کل سوشل میڈیا پر کافی ایکٹو دکھائی دے رہے ہیں۔ آئے دن اپنی ذاتی زندگی سے متعلق کچھ نہ کچھ پوسٹ کرتے رہتے ہیں جن سے ان کے مداح بھی کافی خوش نظر آتے ہیں۔

تاہم حال ہی میں حمزہ نے سماجی رابطے کی ویب سائٹ ٹوئٹر پر ایک پیغام جاری کیا جس میں بتایا کہ وہ آج کل کیا کر رہے ہیں۔

انہوں نے بتایا کہ وہ ایک کتاب لکھ رہے ہیں۔ حمزہ نے ٹوئٹ میں تحریر کیا کہ ''وہ ابھی اپنی کتاب لکھنے کے عمل میں ہیں جو کہ خالق کائنات سے متعلق ہو گی''۔

حمزہ علی عباسی نے مزید لکھا کہ ''انشاءاللہ امید ہے کہ ان کی کتاب جون 2021 تک مکمل ہو جائے گی''۔

تاہم انہوں نے اپنے مداحوں کو یہ بھی بتایا کہ ''کتاب لکھنے کی وجہ سے وہ کچھ دنوں تک سوشل میڈیا سے دور رہیں گے''۔