سعودی عرب کے معروف سوشل میڈیا انفلوئنسر عبداللہ بن مرضع العتیف القحطانی المعروف ابو مرضع ایک شدید سڑک حادثے میں جاں بحق ہو گئے جب کہ ان کے دو دوست زخمی ہیں۔
سعودی میڈیا کے مطابق حادثہ ریاض کے شمالی علاقے ہیل کی مرکزی شاہراہ پر پیش آیا، جہاں ابو مرضع اپنی گاڑی میں کزن اور ایک دوست کے ساتھ گامزن تھے۔ گاڑی ایک ٹھیکے دار کمپنی کی روڈ مینٹیننس مشین سے ٹکرا گئی جس کے باعث گاڑی کا اگلا حصہ مکمل طور پر تباہ ہو گیا۔
حادثے کے فوری بعد ریسکیو اداروں نے تینوں کو اسپتال منتقل کیا۔ تاہم، ابو مرضع کی موقع پر ہی موت واقع ہو گئی جبکہ ان کے کزن کومے میں چلے گئے اور ان کی حالت تشویشناک ہے۔ دوست کی حالت بھی نازک بتائی جا رہی ہے۔
سوشل میڈیا پر مداحوں نے اپنے افسوس کا اظہار کیا اور کہا کہ ابو مرضع اور ان کے دوست اپنی مزاحیہ ویڈیوز کے ذریعے لوگوں کو خوشی اور مسکراہٹ بکھیرتے تھے۔