سرپرائزڈے پرعلی گل پیرکا فنٹاسٹک”4 درخت” ترانہ

علی گل پیر اپنے فالوورز کو محظوظ کرنے کے حوالے سے کبھی پیچھے نہیں رہے، پاکستان کی جانب سے بھارت کیلئے سرپرائز ڈے 27 فروری پرعلی نے ابھی نندن کی فنٹاسٹک ٹی یاد کرتے ہوئے 4 پاکستانی درخت کے مارے جانے کا شکوہ کیا ہے۔

کامیڈین ، ریپر اورنامورشخصیات کی نقالی کیلئے شہرت رکھنے والے علی گل پیرنے اس واقعے کے 2 سال مکمل ہونے پراپنے مخصوص انداز میں ایک گانا جاری کیا ہے ۔

چار درخت کے عنوان سے اس گانے کو علی گل پیر اور نمرہ رفیق نے مل کرگایا ہے۔

گانے کے بولوں کےذریعے علی نے ”آپریشن سوئفٹ ریٹورٹ” کی بہترین منظر کشی کرنے کے ساتھ اداکارہ کنگنا رناوٹ ، حال ہی میں بھارتی کسانوں کی حمایت کرنے پرتنقید کا نشانہ بننے والی امریکی گلوکارہ ریحانہ اورعدنان سمیع کو بھی یادرکھا۔

سوشل میڈیا صارفین اس منفرد تخلیق کو بیحد پسند کرتے ہوئے تعریفی تبصرے کررہے ہیں۔

ستائیس فروری 2019 کو فضائی حدود کی خلاف ورزی پر پاکستان نے 2 بھارتی جنگی طیارے مار گرائے تھے۔ پاکستانی حدود میں گرنے والے مِگ21 کے زندہ بچ جانے والے پائلٹ ابھی نندن کو حراست میں لے لیا گیا تھا جسے 2 روز بعد وزیراعظم عمران خان کے احکامات پررہا کردیا گیا۔

ابھی نندن، مگ 21 اور فنٹاسٹک ٹی

پاکستان ائر فورس نے 27 فروری کوبھارت کیلئے ’’سرپرائز ڈے ‘‘قراردیا تھا۔

دوران حراست ابھی نندن نے پاک فضائیہ کی جانب سے پیش کی گئی چائے کو فنٹاسٹک ٹی کہا، جس پر بعد ازاں ڈھیروں میمز بنیں اور بھارتی سوشل میڈیا صارفین بھی آگ بگولہ ہوئے، جبکہ پاکستان کی جانب سے بھارتی پائلٹ ابھی نندن کی رہائی کا اقدام دنیا بھر میں سفارتی سطح پرسراہاگیا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

69