گوادر: شہریوں کے قتل کے جرم میں کوسٹ گارڈز کے اہلکاروں کو سزا

گوادر کی مقامی عدالت نے2 شہریوں کے قتل کے الزام میں کوسٹ گارڈز کے3 اہلکاروں کو 14، 14 سال قید اور جرمانے کی سزا سنادی۔

پولیس کے مطابق درمحمد اور دل مراد کو جولائی 2020ء میں گوادر کے علاقے گول چوک نیو ٹاؤن میں قتل کیا گیا تھا۔ کوسٹ گارڈز کے اہلکار قتل کے بعد موقع سے فرار ہوگئے تھے۔

پولیس نے ایک عینی شاہد چوکیدار کے بیان کی روشنی میں کوسٹ گارڈز کے تین اہلکاروں صوبیدار رمضان، نائیک نثار اور نائیک شاہد کو گرفتار کرکے چالان عدالت میں پیش کیا۔

گزشتہ روز سیشن کورٹ گوادر کے جج طاہر ہمایوں نے جرم ثابت ہونے پر تینوں اہلکاروں کو ہر ایک قتل میں 14 سال قید اور 50 ہزار روپے جرمانے کی سزا سنائی۔

مقتولین نے منشیات فروشوں کی کشتی میں سامان لوڈ کیا تھا اور پیشہ کے لحاظ سے وہ مزدور تھے۔ کوسٹ گارڈز کے آنے پر منشیات فروش فرار ہونے میں کامیاب ہوگئے لیکن کوسٹ گارڈز کی فائرنگ سے دو مزدور مارے گئے تھے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

132