پاکستانی شوبز انڈسٹری کے مقبول اداکار نعمان اعجاز اکثر اپنے بیانات اور انسٹاگرام پر اسٹوریز شئیر کرنے لکے حوالے سے خبروں میں رہتے ہیں۔
اداکار نعمان اعجاز کی جانب سے کچھ دیر قبل انسٹاگرام اسٹوری شئیر کی گئی تھی جو اب انہوں نے ڈیلیٹ کر دی۔
اسٹوری میں اداکار نے لکھا تھا کہ جہیز لاکھوں کا لیتے ہیں اور حق مہر شرعی۔
انہوں نے آگے لکھا حالانکہ حق مہر کی شریعت میں کوئی حد نہیں ہوتی بلکہ یہ تو لڑکی کا فیصلہ ہوتا ہے اور اس بیچاری کو معلوم ہی نہیں ہوتا۔
اداکار کی جانب سے مزید اپنی انسٹاگرام اسٹوری میں لکھا گیا کہ باہر بیٹھے مولوی صاحب اور اہلخانہ خود ہی حق مہر کا فیصلہ کر لیتے ہیں۔
فنکار نعمان اعجاز کی اس پوسٹ سے ظاہر ہوتا ہے کہ انہوں نے ان کنواری لڑکیوں کی حمایت میں یہ اسٹوری پوسٹ شئیر کی جن کی شادیاں جہیز کی ادائیگی کے باعث نہیں ہوپاتیں۔