گزشتہ روز لاہور کے علامہ اقبال ایئرپورٹ پر غیر ملکی طیارے کا ٹائر پھٹ جانے کے سبب اسے رن وے سے ہٹانا دشوار ہوگیا تھا۔
لیکن اب تازہ ترین اطلاعات کے مطابق طیارے کو رن وے سے ہٹانے کا کام کامیابی کے ساتھ مکمل کر لیا گیا ہے۔
لاہور سے بحرین جانے والے طیارے کا ٹائر پھٹنے کے باعث فلائٹ آپریشن معطل ہوگیا تھا۔
رن وے پر کارگو جہاز کے ٹائر پھٹنے کا واقعہ گزشتہ روز شام ساڑھے 7 بجے پیش آیا تھا۔
بتایا گیا کہ جہاز میں سامان بھرا ہونے کی وجہ سے ٹائر تبدیل نہ کیے جا سکے، سامان اور جہاز کا وزن زیادہ ہونے سے طیارے کو ہٹانے میں دشواری کا سامنا تھا۔
واضح رہے کہ فلائٹ آپریشن معطل ہونے کے باعث رات دیر تک لاہور جانے والی پروازوں کو اسلام آباد، کراچی، سیالکوٹ، فیصل آباد اور ملتان بھیج دیا گیا تھا۔