جیف بیزوس کا فون ہیکنگ معاملہ: سعودی عرب کے متعلق ثبوت تاحال نہیں مل سکے

image

امریکی جریدے کاکہناہےکہ امریکی تحقیقاتی ادارے ایف بی آئی کو سعودی عرب پر ایمازون کے مالک جیف بیزوس کا فون ہیک کرنے کے الزامات ثابت کرنے کےلیے ثبوت تاحال نہیں مل سکے اور ادارہ ان الزامات کی تحقیقات کو کم ترجیح دے رہا ہے۔

جیف بزوس نےامریکی جریدے نیشنل انکوائرر پر الزام عائد کیا تھا کہ اس نے ان سے فروری 2019 میں ان کے لورین سینچز کو کیے گئے میسجز شائع کر کے مال اینٹھنے کی کوشش کی ہے۔

ایف بی آئی نے نیشنل انکوائرر کی خبر شائع ہونے کے بعد ہیکنگ کے متعلق تحقیقات شروع کیں۔

تحقیقات کے دوران بیزوس کی فیڈرل انویسٹیگیٹرز سے کم از کم ایک بار ملاقات ہوئی۔

امریکی جریدے کےمطابق ایف بی آئی نےتحقیقات کےحصے کے طور پر بیزوس کا فون نہیں دیکھا۔یہ ایف بی آئی کےلیے غیر معمولی بات نہیں ہے کہ دورانِ تحقیق ادارے کو کسی ڈیوائس تک رسائی نہ ہو اور وہ اس میں سے معلومات حاصل کرنے کےلیے بغیر پاسورڈ ڈالے رسائی حاصل کرنے کی کوشش نہ کریں۔لیکن یہ بات واضح نہیں ہے کہ یہ عمل ایف بی آئی کی جانب سے استعمال کیا جانے والا عمومی حربہ ہے۔

تاہم بیورو نے اس بات کو ترجیح نہیں دی کہ اس الزام پر تحقیقات کی جائیں کہ آیا سعودیوں نے بیزوس کا فون ہیک کیا تھا یا نہیں۔ بیورو نے یہ معمہ بھی حل نہیں کیا کہ آیا سعودی اس ہیکنگ کے عمل میں شامل تھے یا نہیں۔

ذرائع کے مطابق ایف بی آئی کبھی مکمل تھروٹل میں نہیں تھی۔

امریکی جریدے کی جانب سے مؤقف کی درخواست پر ایف بی آئی، واشنگٹن میں سعودی سفارتخانے اور ایمازون نے فوری طور پر کوئی جواب نہیں دیا۔

2019 میں اپنی بلاگ پوسٹ میں بیزوس نے اے ایم آئی پر ’بلیک میلنگ اور بھتے‘ کا الزام عائد کرتے ہوئے کہا تھا کہ کمپنی نے انہیں عوامی سطح پر شرمندہ کرنے کی دھمکی دی۔

اے ایم آئی کے متعلق بیزوس کے دعوے کے بعد نیویارک کے جنوبی ضلع کےلیے امریکی اٹارنی نے اخبار میں ایک تحقیقات کھولیں لیکن بغیر کوئی ثبوت فرایم کیے حال ہی میں بند کردی۔

جریدے نے ذرائع کے حوالے سے بات کرتے ہوئے بتایا کہ استغاثہ اس نتیجے پر پہنچا ڈیٹا لورین سینچز کے بھائی مائیکل سینچز نے لیک کیا۔

جریدے کی مؤقف دینے کی درخواست پر مائیکل سینچز نے فوری طور پر کوئی جواب نہیں دیا۔

اس سال کے ابتداء میں جریدے نے رپورٹ کیا تھا کہ نیشنل انکوائرر نے مائیکل سینچز کو بیزوس کی ذاتی معلومات کےلیے دو لاکھ ڈالرز دیے تھے۔

جس دن جیف بیزوس نےاپنی اہلیہ میکنزی اسکاٹ کو طلاق دینے کا اعلان کیا یعنی 9 جنوری 2019 کو، اس ہی دن نیشنل انکوائرر کی خبر لائیو ہوئی۔

Square Adsence 300X250


News Source   News Source Text

WATCH LIVE NEWS

مزید خبریں
سائنس اور ٹیکنالوجی
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.