زائد العمر کھلاڑیوں کی شرکت، انڈر 13 اور 16 ٹورنامنٹس معطل

image

پاکستان کرکٹ بورڈ (پی سی بی) نے کراچی اور ملتان میں جاری انڈر 13 اور نیشنل انڈر 16 ٹورنامنٹس معطل کر دئیے۔

اس ضمن میں جاری اعلامیے کے مطابق معطلی کی وجہ کراچی اور ملتان میں جاری ٹورنامنٹس میں زائد العمر کھلاڑیوں کی شرکت ہے۔

پی سی بی کا کہنا ہے کہ ٹورنامنٹس کی ساکھ کو بچانے کیلئے صرف مستحق کھلاڑیوں کو ہی کھیلنے کی اجازت دے سکتے ہیں، پی سی بی نے دونوں ٹورنامنٹس میں شریک کھلاڑیوں کی بون ایج ٹیسٹنگ کا فیصلہ کیا ہے۔

ٹیسٹ کی بنیاد پر نئی ٹیموں کی تشکیل ہو گی جس کے بعد ٹورنامنٹس آئندہ ہفتے سے دوبارہ سے شروع ہوں گے۔انڈر 16 ٹورنامنٹ کے کھلاڑیوں کی بون ایج ٹیسٹنگ منگل سے بدھ تک جاری رہے گی۔

کراچی میں انڈر 13 کے 150 کھلاڑیوں کی بون ایج ٹیسٹنگ منگل کو مکمل کرلی جائے گی،ٹیسٹ میں زائدالعمر قرار پانے والے کھلاڑیوں کو ٹورنامنٹس میں شرکت کی اجازت نہیں ہوگی۔

کھلاڑیوں کو اپیل کے لیے 2 روز تک کا وقت دیا جائے گا، جب تک ٹورنامنٹس کا دوبارہ آغاز نہیں ہوتا، تمام ٹیمیں کراچی اور ملتان میں ہی ٹھہریں گی۔

اعلامیے کے مطابق غلط عمر کے ساتھ ایج گروپ کرکٹ کھیلنا مجرمانہ فعل ہے۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.