کراچی: صدر میں ہوٹل کے کمرے سے گلا کٹی لاش ملی

image

کراچی کے علاقے صدر میں ہوٹل کے کمرے سے گلا کٹی لاش ملی ہے، جس کی شناخت یاجد علی کے نام سے ہوئی ہے جو بونیر کا رہائشی تھا۔

پولیس کے مطابق صدر کے علاقے میں ہوٹل کے کمرے سے ایک شخص کی لاش ملی، جسے جناح اسپتال منتقل کردیا گیا، جہاں پوسٹ مارٹم کے بعد میت سرد خانے منتقل کردی گئی۔

پولیس کے مطابق مقتول 2 روز سے ہوٹل میں مقیم تھا، انتظامیہ نے بتایا کہ کمرہ دو دن سے بند تھا، اضافی چابی سے صفائی کیلئے کمرہ کھولا تو عملے کو زمین پر خون میں لت پت لاش نظر آئی، پورے کمرے میں بدبو پھیلی ہوئی تھی، جس پر پولیس کو اطلاع کی گئی۔

ہوٹل انتظامیہ کی اطلاع پر پولیس موقع پر پہنچی اور کمرے کا مکمل معائنہ کیا، تحقیقات میں مقتول کی شناخت 30 سالہ یاجد علی کے نام سے ہوئی، جو خیبرپختونخوا کے ضلع بونیر کا رہائشی تھا، اس نے 22 جنوری کو ہوٹل میں کمرہ

کرایہ پر لیا، تاہم کمرہ دو روز سے بند تھا۔

پولیس کے مطابق مقتول یاجد علی کے گلے کو بری طرح کاٹا گیا، زخم بہت گہرا تھا، مقتول کے جسم کے دیگر حصوں پر گہرے زخم یا تشدد کے نشان نہیں، کرائم سین یونٹ نے ہوٹل کے کمرے سے شواہد حاصل کرکے کمرہ سیل کردیا۔

پولیس کا کہنا ہے کہ ہوٹل کی راہداریوں میں سی سی ٹی وی کیمرے نہیں جبکہ مرکزی دروازے پر نصب سی سی ٹی وی کیمرے کی فوٹیجز سے کچھ واضح نہیں ہورہا، تمام پہلوؤں سے تحقیقات جاری ہیں۔


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.