علیٰ ثانوی تعلیمی بورڈ کراچی کے جاری اعلامیہ کے مطابق حکومت سندھ کی جانب سے انٹرمیڈیٹ کے سالانہ امتحانات برائے 2021ء کے امتحانات میں اے ون گریڈ حاصل کرنے والے طلبہ و طالبات کو نقد انعام دینے کا اعلان کیا گیا ہے، اے ون گریڈ حاصل کرنے والے طالب علموں کو یہ رقم بینکو ں کے ذریعہ پہنچائی جائے گی۔ اعلیٰ ثانوی تعلیمی بورڈ کراچی نے اس تناظر میں انٹرمیڈیٹ میں اے ون گریڈ حاصل کرنے والے طلباء کو ہدایت کی ہے کہ وہ اپنی مارکس شیٹ کی فوٹوکاپی اور ضروری معلومات پر مبنی پروفارما بھر کر بروز جمعرات 28اپریل 2022ء تک اپنے کالجوں میں جمع کروادیں، تمام تعلیمی ادارے اے ون گریڈ حاصل کرنے والے طالب علموں کی مارکس شیٹ کی کاپی اور پروفارما فوری طور پر انٹربورڈ کراچی کو بھجوانے کے پابند ہوں گے۔ طلبہ و طالبات یہ پروفارما بورڈ کی آفیشل ویب سائٹ www.biek.edu.pk اور آفیشل فیس بک پیج www.facebook.com/BIEKarachi سے حاصل کرسکتے ہیں۔