یوں تو انڈے بڑے ہی نازک ہوتے ہیں اور اکثر بازار سے گھر لاتے ہی ٹوٹ پھوٹ کا شکار ہوجاتے ہیں جس کی وجہ سے انھیں لانے اور رکھنے میں بہت احتیاط سے کام لینا پڑتا ہے البتہ حال ہی میں خلا سے انڈہ پھینکا جانے کا تجربہ کیا گیا جس میں انڈہ واپس تو زمین پر آیا لیکن گرا نہیں۔ ویڈیو دیکھیں
یہ دلچسپ تجربہ کرنے والے معروف یوٹیوبر مارک رابر ہیں جنھوں نے مختلف گیجٹس کے استعمال سے خلا سے انڈہ زمین پر پھینکا اور جی پی ایس کی مدد سے انڈے کی لوکیشن کا حساب بھی لگاتے رہے۔ خلا سے پھینکا گیا انڈہ امریکی ریاست جنوبی کیلیفورنیا کے صحرا موجاو کے علاقے وکٹر ویلی میں گرا۔
واضح رہے کہ چونکہ انڈے کو ایک غبارے اور راکٹ کے اندر رکھ کر خلا سے پھینکا گیا تھا اس وجہ سے وہ ٹوٹنے سے محفوظ رہا البتہ اس قدر اونچائی سے گر کر بھی صحیح سلامت رہنا کسی قدر تعجب کی بات ضرور ہے۔