لاہور: پاکستان تحریک انصاف کے ہیڈ آف میڈیا افیئرز فواد چودھری نے کہا ہے کہ آج عمران خان کو گرفتار کرنے کی ایک اور کوشش کی گئی حالانکہ اسلام آباد ہائیکورٹ عمران خان کی 9 مارچ تک کی حفاظتی ضمانت دے چکی ہے۔
سابق وفاقی وزیر فواد چودھری نے الزام عائد کیا یہ لوگ لاشوں اور خون کی تلاش میں ہیں، عمران خان نے کا رکنوں کو پرامن رہنے کی ہدایت کی ہے، ان پر اس وقت 74 مقدمات ہیں۔
انہوں نے کہا کہ شبلی فراز سمیت کسی نے نہیں کہا کہ عمران خان زمان پارک میں موجود نہیں ہیں، پاکستان مکمل تباہی کا شکارہے جب کہ نوازشریف شاپنگ میں مصروف ہیں۔
سیلاب متاثرین کیے گئے وعدے پورے نہ ہوئے تو وزارتیں رکھنا مشکل ہو جائیگا، بلاول
فواد چودھری نے کہا کہ یہ وہ شخص ہے جو 50 روپے کے بانڈ پر ملک سے فرارہوا، یہ صاحب پاکستان کے عدالتی نظام سے مفرورہیں۔