انڈین اداکار سنجے دت کا کہنا ہے کہ وہ اپنی فلم ’کے ڈی، دا ڈیول‘ کی شوٹنگ کے دوران زخمی نہیں ہوئے بلکہ بالکل خیریت سے ہیں۔سنجے دت کی جانب سے یہ بیان ایک ایسے وقت سامنے آیا ہے جب انڈیا میڈیا رپورٹ کر رہا تھا کہ اداکار فلم کے دوران ایک بم دھماکے کا سین شوٹ کرتے وقت زخمی ہوگئے ہیں۔بدھ کو سنجے دت نے اپنی ٹویٹ میں لکھا کہ ’میرے زخمی ہونے کے حوالے سے اطلاعات گردش کر رہی ہیں۔ میں آپ سے کو یقین دلانا چاہتا ہوں کہ یہ اطلاعات بالکل بے بنیاد ہیں۔‘انہوں نے مزید لکھا کہ ’خدا کا شکر ہے میں ٹھیک اور صحت مند ہوں۔ میں فلم کے ڈی کی شوٹنگ کر رہا ہوں اور ہماری ٹیم میرے سین شوٹ کرتے وقت بہت احتیاط کر رہی ہے۔‘خیال رہے ’کے ڈی، دا ڈیول‘ کنڑ زبان کی فلم ہے جس میں دھرووا سرجا، سنجے دت اور شلپا شیٹی مرکزی کردار نبھا رہے ہیں اور اس فلم کی شوٹنگ بنگلور میں جاری ہے۔There are reports of me getting injured. I want to reassure everyone that they are completely baseless. By God’s grace, I am fine & healthy. I am shooting for the film KD & the team's been extra careful while filming my scenes. Thank you everyone for reaching out & your concern.
— Sanjay Dutt (@duttsanjay) April 12, 2023
فلم میں سنجے دت ولن کا کردار نبھائیں گے اور اطلاعات کے مطابق اس کی کہانی 1970 کی دہائی کے سچے واقعات پر مبنی ہے۔یہ فلم ہندی، تمل، تیلگو، کنڑ اور ملیالم زبانوں میں ریلیز ہوگی۔