قومی کرکٹ ٹیم کے 19 سالہ فاسٹ باؤلر احسانُ اللہ خان نے نکاح کرلیا۔ ان کے نکاح کی ویڈیو سوشل میڈیا پر کل سے وائرل ہو رہی ہے۔ جس کو اب خود کرکٹر احسان نے بھی شیئر کیا۔ ہر کوئی احسان کو نکاح کی مبارکباد دے رہا ہے۔
تفصیلات
کے مطابق احسان اللہ کے نکاح تقریب کا انعقاد اتوار کے دن سوات کے علاقے مٹہ میں ہوئی۔ باؤلر کی بیگم کا تعلق ان کے خاندان سے ہے۔
انہوں نے اپنی کزن سے شادی کی ہے۔ تقریب میں ان کے عزیز واقارب اور خاندان کے افراد نے شرکت کی ۔
لوگ 19 سالہ احسانُ اللہ کے شادی کرنے پر اعتراض کرتے ہوئے کہہ رہے ہیں کہ اتنی چھوٹی عمر میں انہوں نے شادی کرلی، جبکہ یہ اچھا قدم نہیں البتہ کچھ لوگ ان کے حق میں کمنٹ کرتے ہوئے کہہ رہے ہیں کہ احسان با اختیار ہیں، صاحبِ حیثیت ہیں اور قانونی اعتبار سے 18 سال کی عمر شادی کے لیے مقرر کی گئی ہے۔