ایک اور سینئیر صحافی لاپتہ۔۔ سمیع ابراہیم کو آخری بار کہاں دیکھا گیا تھا؟

عران ریاض کے بعد ایک اور سینئیر صحافی سمیع ابراہیم بھی لاپتہ ہوگئے ہیں۔ اسٹارٹ اپ پاکستان اور اے آر وائی نیوز کے مطابقسینئر صحافی سمیع ابراہیم کو بدھ کو اسلام آباد سے گرفتار کیا گیا۔ یہ گرفتاری مبینہ طور پر وفاقی دارالحکومت کے سیونتھ ایونیو پر عمل میں آئی۔ تاہم اسلام آباد پولیس نے ابھی تک اس معاملے پر کوئی باضابطہ بیان نہیں دیا۔ واضح رہے کہ اس سے پہلے11 مئی کو پی ٹی آئی چیئرمین کی گرفتاری کے بعد احتجاج کے دوران ایک اور سینئر صحافی عمران ریاض خان کو بھی گرفتار کیا گیا تھا۔

حالیہ عدالتی سماعت کے دوران لاہور ہائی کورٹ نے وزارت داخلہ اور دفاع کو ہدایت کی کہ وہ اینکر پرسن عمران ریاض خان کی تلاش اور بازیابی میں اپنی آئینی ذمہ داریاں پوری کریں۔ انسپکٹر جنرل پنجاب ڈاکٹر عثمان انور نے سماعت کے دوران بیان دیا کہ ملک بھر میں پولیس تلاش کے باوجود عمران ریاض ہو بازیاب نہیں کرواسکی۔