بیجنگ ۔22جنوری (اے پی پی):کیریبئن ملک انٹیگوا ینڈ باربوڈا کے وزیر اعظم گیسٹن براؤن7 روزہ دورہ پر چین پہنچ گئے ۔
انٹیگوا نیوز روم کے مطابق گیسٹن براؤن دورے کے دوران جنوبی۔جنوب تعاون کے فریم ورک کے تحت ماحولیاتی تبدیلیوں سے نمٹنے کے معاہدےکے لیے مفاہمت کی دس یادداشتوں پر دستخط کریں گے۔اس کے علاوہ بیلٹ اینڈ روڈ اقدام پر تعاون کے منصوبےکو تیز کرنے اور باہمی ویزا استثنیٰ پربھی معاہدہ کیا جائے گا۔یاد رہے کہ گیسٹن براؤن یہ دورہ چین کے وزیر اعظم لی کیانگ کی دعوت پر کر رہے ہیں ۔2014 کے پہلے دورے کے بعد یہ ان کا چین کا دوسرا سرکاری دورہ ہے ۔