اسرائیل میں سائرن کی آواز گونجتے ہی ٹی وی پر براہ راست تجزیہ کرتے اینکرز اور مہمانوں نے نشریات چھوڑ کر دوڑ لگادی۔
مائیکرو بلاگنگ ویب سائٹ (ایکس) پر وائرل ویڈیو میں دیکھا جاسکتا ہے کہ اسرائیلی نیوز چینل (14) کی نشریات کے دوران ایرانی میزائل حملوں کی اطلاع کے لیے سائرن بجتے ہی اسٹوڈیو میں موجود اینکرز اور مہمان خوف زدہ ہوگئے۔
سوشل میڈیا صارف نے ویڈیو پوسٹ کرتے ہوئے ٹوئٹ میں لکھا کہ "اسرائیلی ٹی وی پر براہ راست مباحثے کے دوران ایران کے میزائلوں کے خطرے کی اطلاع کے لیے سائرن بجے تو میزبان اور مہمان اسٹوڈیو چھوڑ کر چلے گئے اور پروگرام روک دیا گیا"۔
جب کہ چند روز قبل ایرانی نیوز چینل کی لائیو نشریات کے دوران اسرائیل کی جانب سے حملہ کیا گیا تھا جس میں خاتون نیوز اینکر سحر امامی کی ہمت دیدنی تھی۔
ایرانی خاتون اینکر نے خوفزدہ ہونے کی بجائے جرات کا مظاہرہ کیا اور حملے کی تھوڑی ہی دیر بعد واپس آکر دوبارہ نشریات کا آغاز کیا۔