قاہرہ۔26جنوری (اے پی پی):مصر میں 55 ویں بین الاقوامی کتب میلے کا آغاز ہو گیا جو 6فروری 2024 تک جاری رہے گا۔ اردو نیوز کے مطابق کتب میلے کے منتظمین نے میڈیا کو بتایا کہ دارالحکومت قاہرہ میں 80 ہزار مربع میٹر کے رقبے پر منعقدہ کتب میلے کا افتتاح مصری وزیراعظم ڈاکٹر مصطفی مدبولی نے کیا ہے۔
انہوں نے بتایا کہ اس کتب میلے میں سعودی عرب سمیت 70 عرب اور ودیگر ممالک کے 1200 ناشران کی جانب سے سٹالز لگائے گئے ہیں۔ انہوں نے مزید بتایا کہ کتب میلےکے دوران 550 ثقافتی پروگرام ہوں گے۔ علاوہ ازیں فکری اور سماجی مسائل پر بحث کے لیے متعدد سیمینارز بھی منعقد ہوں گے۔