جکارتہ ۔26جنوری (اے پی پی):انڈونیشیا کے مغربی صوبے جاوا میں سڑک حادثے میں 5 افراد ہلاک اور 20زخمی سے زائد ہو گئے۔
چینی خبررساں ادارے کے مطابق مقامی پولیس نے میڈیا کو بتایا کہ جاوا میں انڈونیشیائی ریجنسی ویسٹ بانڈنگ میں ایک پک اپ ٹرک الٹنے سے 5 افراد ہلاک اور 20 سے زائد زخمی ہو گئے۔انہوں نے بتایا کہ ریسکیو اہلکاروں نے ہلا ک اور زخمی ہونے والوں کو قریبی ہسپتال میں منتقل کر دیا ہے۔انہوں نے مزید بتایا کہ مقامی پولیس حادثے کی تحقیقات کر رہی ہے۔