اس برس رمضان ایسے موسم میں آئے ہیں جب بازار میں کھٹے میٹھے امرودوں کی بہتات ہے. امرود صحت بخش ہونے کے علاوہ جسم میں نمکیات اور پانی کی کمی بھی نہیں ہونے دیتے. اس لئے افطار میں امرود کو شامل کرنا ایک بہترین آئیڈیا ہے. آج کے آرٹیکل میں ہم آپ کو امرود کا شربت بنانے کا طریقہ بتائیں گے جسے افطار میں پی کر آپ اپنی اور گھر والوں کی توانائی کو فوری بحال کرسکتے ہیں.
اس کے لئے ہمیں چاہیے ایک کلو امرود کچے پکے مکس امرود. ان کو ایک برتن میں ڈال کر پانی شامل کریں اور اسے ہاتھ سے اتنا بلینڈ کریں کہ پیسٹ سا بن جائے، پھر اس کو چھان کر ابالنے کیلئے چولہے پر رکھ دیں۔ حسب ذائقہ کالا نمک اور تین سے چار چمچ چینی ڈالیں. پکتے ہو ئےچمچ چلاتے رہیں تاکہ گاڑھا نہ ہو. پانی بھی شامل کرسکتے ہیں.
دس منٹ بعد جب ابال آجائے تو ٹھنڈا کرنے بوتلوں میں بھرلیں اور افطار کے وقت ایک گلاس پانی میں ایک یا دو چمچ امرود کا شربت شامل کرکے پیش کریں.