اسلام آباد۔4جون (اے پی پی):وفاقی وزیر اطلاعات، نشریات، قومی ورثہ و ثقافت عطاءاللہ تارڑ نے سینئر صحافی عامر سجاد سید کی والدہ کے انتقال پر گہرے دکھ اور افسوس کا اظہار کیا ہے۔
منگل کو اپنے تعزیتی بیان میں وفاقی وزیر اطلاعات نے مرحومہ کے اہل خانہ سے دلی تعزیت اور ہمدردی کا اظہار کرتے ہوئے کہا کہ عامر سجاد سید کی والدہ کے انتقال کی خبر سن کر بہت افسوس ہوا، والدہ کا انتقال بہت بڑا سانحہ ہے۔انہوں نے کہا کہ غمزدہ خاندان کے دکھ میں برابر کے شریک ہیں۔ وفاقی وزیر نے مرحومہ کی مغفرت اور لواحقین کےلئے صبر جمیل کی دعا کی