گوجرانوالہ: قومی اسمبلی کی نشست این اے 79 میں مسلم لیگ ن کے امیدوار ذوالفقار بھنڈر ووٹوں کی دوبارہ گنتی میں کامیاب ہو گئے۔
قومی اسمبلی کی نشست این اے 79 میں ووٹوں کی دوبارہ گنتی کا عمل مکمل ہو گیا۔ دوبارہ گنتی میں مسلم لیگ ن کے امیدوار ذوالفقار بھنڈر کامیاب ہو گئے۔
ذوالفقار بھنڈر 3023 ووٹوں کی برتری سے ایم این اے منتخب ہوئے۔ دوبارہ گنتی میں مسلم لیگ ن کے امیدوار ذوالفقار بھنڈر نے 95 ہزار 604 ووٹ حاصل کیے۔
پاکستان تحریک انصاف (پی ٹی آئی) کے امیدوار احسان اللہ ورک نے 92 ہزار 581 ووٹ لیے۔
یہ بھی پڑھیں: تاجروں نے تاریخی ہڑتال کر کے حکومت پر عدم اعتماد کر دیا، شیخ رشید
واضح رہے کہ 2024 کے عام انتخابات میں مسلم لیگ ن کے امیدوار ذوالفقار بھنڈر نے 4 ہزار 388 ووٹوں سے شکست کھائی تھی۔
سیٹ جیتنے پر مسلم لیگی امیدوار کے حامیوں نے علاقے بھر میں جشن منایا۔ دوبارہ گنتی کے موقع پر پولیس نے سیکیورٹی کے سخت انتظامات کر رکھے تھے۔