پاکستان ویمنز کرکٹ ٹیم کی نوجوان کپتان فاطمہ ثناء کا دل دہلا دینے والا لمحہ سب کی نظروں میں آگیا۔ والد کی وفات کے بعد میدان میں اتریں تو قومی ترانے کے دوران آنکھوں سے آنسو چھلک پڑے، جس کی ویڈیو انٹرنیشنل کرکٹ کونسل (آئی سی سی) نے شیئر کرتے ہوئے ان کے حوصلے کو سلام پیش کیا۔
صرف 22 سال کی عمر میں فاطمہ نے ہمت دکھائی۔ والد کے انتقال کے بعد وہ دبئی سے فوری طور پر کراچی آئیں، نماز جنازہ اور تدفین کے بعد نیوزی لینڈ کے خلاف دبئی واپس جاکر قومی ٹیم کی قیادت کی۔
میچ کے دوران، جہاں نیوزی لینڈ نے 110 رنز بنائے تھے، پاکستان کی ویمنز ٹیم 56 رنز پر ہمت ہار گئی، اور یوں ورلڈکپ کے سیمی فائنل کی دوڑ سے باہر ہوگئی۔