نامور موسیقار اور طبلہ نواز الطاف حسین طافو انتقال کر گئے ، نماز جنازہ آج کریم بلاک علامہ اقبال ٹاؤن لاہور میں ادا کی جائے گی۔
الطاف حسین نے 1945 میں زندہ دلان لاہور میں آنکھ کھولی ، کافی عرصے سے گردوں کے عارضے میں مبتلا تھے، 1970 میں اپنے کیریئر کا آغاز پنجابی فلم انورا سے کیا اور شائقین کے دل موہ لیے۔
بھارتی اداکار وکاس سیٹھی 48 سال کی عمر میں انتقال کرگئے
طافو خان نے پنجابی کے ساتھ بے شمار اردو فلموں کی دھنیں بھی ترتیب دیں، مشہور پنجابی گانا ’سن وے بلوری اکھ والیا‘ فلم بینوں کے ذہنوں پر نقش ہو گیا ، انہوں نے ملکہ ترنم نورجہاں اور نصرت فتح علی خان سمیت عظیم گلوکاروں کے ساتھ کام کیا۔
الطاف حسین عام طور پر شوق اور چنچل دھنیں بنانے میں مشہور تھے، 1999 میں فلم دیساں دا راجا کیلئے خوبصورت دھنیں بنائیں تو شہرت چہار دانگ عالم پھیل گئی۔ انہیں 2023 میں صدارتی تمغہ حسن کارکردگی سے نوازا گیا۔