پاکستانی سفیرعامرآفتاب قریشی نے کہا ہے کہ جاں بحق پاکستانیوں کی لاشیں سفارتخانہ اپنے اخراجات پرپاکستان روانہ کریگا۔
یونان میں پاکستانی سفیر عامرآفتاب قریشی نے پریس کانفرنس کرتے ہوئے کہا کہ بنائی گئی کمیٹی کوہدایت دی گئی ہے کہ وزیراعظم کورپورٹ پیش کرے، جولوگ اس مکروہ کاروبارمیں ملوث ہیں انہیں کیفرکردارتک پہنچایا جائے گا۔
سانحہ اےپی ایس پشاور،قومی اور پنجاب اسمبلی میں شہداکوخراج تحسین پیش کرنےکی متفقہ قراردادمنظور
انہوں نے کہا کہ کتنا افسوسناک ہے کہ یہ لوگ نامعلوم جگہ پرہزاروں فٹ گہرے سمندرمیں ڈوب گئے، جائے حادثہ پر ریسکیو آپریشن جاری ہےلیکن لاپتا افراد کے بچنے کی امیدیں کم ہیں۔
انہوں نے مزید کہا کہ لیبیا سے غیرقانونی طریقے سے جانے والی 5 کشتیوں پر پاکستانی سوار تھے، جس کشتی میں پاکستانی سوارتھے اس کے اندرپہلے شگاف پڑااورپھرڈوب گئی، کشتی پر80 سے زائد پاکستانی سوار تھے۔