یونان میں تارکینِ وطن کی ایک اور کشتی ڈوب گئی جس کے نتیجے میں 8 افراد ہلاک ہوگئے، 18 افراد کو ریسکیو کر لیا گیا ہے۔
خبر ایجنسی کے مطابق تیز رفتار کشتی توازن برقرار نہ رکھتے ہوئے الٹ گئی،کشتی میں کُل کتنے افراد تھے اس بارے میں معلومات نہیں ملی،کوسٹ گارڈ جہازوں اور ایک ہیلی کاپٹر پر مشتمل ریسکیو ٹیم کی مدد سے مزید افراد کی تلاش جاری ہے۔
مبینہ نفرت پھیلانے، غلط بیانی پرلطیف کھوسہ کیخلاف مقدمہ درج
دوسری جانب یونان کشتی حادثے کی پیش کردہ خصوصی کمیٹی رپورٹ میں انسانی اسمگلنگ میں بین الاقوامی نیٹ ورک کے ملوث ہونے کا انکشاف ہوا ہے۔ پچھلے سال یونان کشتی حادثے پر رپورٹ عمل درآمد کے لیے وزیر اعظم آفس کو پیش کی گئی تھی۔
رپورٹ کے مطابق یہ پاکستان سے انسانی اسمگلنگ کا نیٹ ورک 4 ممالک تک پھیلا ہوا ہے۔ برطانیہ میں موجود انسانی اسمگلروں کے سرغنہ کے خلاف مقدمے کی سفارش کی گئی ہے۔
آئی سی سی کوڈ آف کنڈکٹ کی خلاف ورزی پر ہینرک کلاسن پر جرمانہ عائد
رپورٹ اور نیٹ ورک کے نقشہ کی کاپی ہم انویسٹی گیٹس نے حاصل کر لی۔ کمیٹی نے نیٹ ورک اور ان سے جڑے تمام انسانی اسمگلرز کی تفصیلات بھی وفاقی تحقیقاتی ادارے (ایف آئی اے) کے حوالے کر دیئے۔
سرغنے کے پاکستان میں موجود 3 سہولت کاروں کے خلاف لاہور میں مقدمات درج کر لیے گئے۔ انسانی اسمگلنگ میں ملوث 2 ملزمان لیبیا اور 2 اٹلی میں نیٹ ورک چلا رہے تھے۔
رپورٹ میں ایف آئی اے کے ملوث اہلکاروں کے خلاف بھی سخت کارروائی کی سفارش کی گئی ہے۔ جبکہ ایف آئی اے امیگریشن کے تمام اہلکاروں کے اثاثوں کی چھان بین کی بھی سفارش کی گئی ہے۔
جماعت اسلامی کراچی کا کل پانی کے بحران پر احتجاج کااعلان
واضح رہے کہ مشترکہ تحقیقاتی کمیٹی نے نیٹ ورک کے 40 بڑے اسمگلرز کے خلاف ایکشن کی سفارش کی تھی۔