تحریک انصاف کے رہنما شوکت یوسفزئی نے کہا ہے کہ پی ٹی آئی نے مذاکرات کے لیے اپنا ایجنڈا فائنل کر لیا ہے ، ہم دو نکات کو سرفہرست رکھیں گے۔
پشاور میں میڈیا سے گفتگو کرتے ہوئے شوکت یوسفزئی کا کہنا تھا کہ ہمارا پہلا مطالبہ پی ٹی آئی کے گرفتار تمام کارکنوں کی رہائی اور دوسرا مطالبہ 9 مئی اور 26 نومبر کے واقعات پر جوڈیشل کمیشن بنانے کا ہے۔
حکومتی کمیٹی کا اعلان خوش آئند ، مذاکرات جامع اور نتیجہ خیز ہونے چاہئیں ، بیرسٹر گوہر
انہوں نے مزید کہا کہ 2 نکات پر عملدرآمد ہو گا تب بات چیت آگے بڑھ سکے گی،، ان 2 مطالبات پر پی ٹی آئی کوئی سمجھوتہ نہیں کرے گی۔
ان کا کہنا تھا کہ سول نافرمانی کی تحریک برقرار ہے، حکومت نے 2 نکات پر لچک نہ دکھائی تو سول نافرمانی کی تحریک جاری رہے گی ، حکومت کے پاس 30 جنوری تک کا وقت ہے۔