آئی سی سی چیمپیئنز ٹرافی کی افتتاحی تقریب 16 یا 17 فروری کو پاکستان میں کرائے جانے کا امکان ہے۔
ذرائع کے مطابق افتتاحی تقریب میں تمام ٹیمیں اور ان کے کپتان شرکت کریں گے، تقریب میں تمام آٹھ ٹیموں کے کپتان پریس کانفرنس بھی کریں گے۔
افتتاحی تقریب کا وینیو تا حال فائنل نہیں ہوا ہے، پاکستان کرکٹ بورڈ نے ابتدائی پلان سے متعلق آئی سی سی کو آگاہ کردیا ہے، آئی سی سی پلان پر نظرثانی کے بعد حتمی فیصلہ کرے گی۔
سابق ٹیسٹ کرکٹرعبدالرحمان پاکستان کرکٹ ٹیم کے اسپنر بائولنگ کوچ مقرر
پاکستان کرکٹ بورڈ تمام ٹیموں اور ان کے کپتانوں کے ویزے جاری کروائے گا، کمرشل پارٹنرز، آئی سی سی آفیشلز اور میڈیا کے ویزوں کے اجرا میں بھی پی سی بی مدد کرے گا۔
گزشتہ ہفتے بھی پی سی بی نے آئی سی سی آفیشلز کے ویزوں کا بندوبست کروایا تھا، چیمپیئنز ٹرافی کا آغاز 19 فروری سے ہو گا۔