حماس اور اسرائیل میں غزہ جنگ بندی معاہدے پرعملدرآمد آج سے شروع ہوگا۔
اسرائیلی وزیراعظم نیتن یاہو نے کہا ہے کہ حماس نے رہا کئے جانے والے یرغمالیوں کی فہرست نہ دی تو جنگ بندی نہیں ہوگی۔
اسرائیلی حکومت نے غزہ جنگ بندی معاہدے کی منظوری دے دی
اسرائیلی وزیراعظم نیتن یاہو نے مزید کہا کہ معاہدہ کی خلاف ورزی کی صورت میں لڑائی دوبارہ شروع کرسکتے ہیں۔
دوسری طرف غزہ میں جنگ بندی معاہدے کے باوجود اسرائیلی حملے جاری ہیں، 15جنوری سےاب تک اسرائیلی حملوں میں 122 فلسطینی شہید،270زخمی ہوئے۔
مقبوضہ مغربی کنارے میں بھی اسرائیلی فورسز کی فائرنگ سے 4 فلسطینی بچے بھی زخمی ہوئے۔