گزشتہ روز جنوبی افریقہ سے تاریخی میچ جیتنے کے بعد بابر اعظم نے میڈیا سے گفتگو کی، اور اپنی پرفارمنس کے ساتھ ٹیم پرفارمنس کی بھی بات کی۔
قومی کرکٹر کا کہنا تھا، مجھے کنگ شنگ کہنا بند کریں، میں کوئی کنگ نہیں ہوں۔ ابھی کھیل رہا ہوں جب چھوڑیں گے تب دیکھیں گے۔
انہوں نے کہا کہ، جب بھی بیٹنگ کیلئے جاتا تو یہی سوچ کر جاتا ہوں کہ اچھا اسکور کرنا ہے لیکن بدقسمتی سے فنش نہیں کر پارہا ہوں۔
کراچی میں ہونے والے ون ڈے میچ کے بعد میڈیا کے سوالوں کا جواب دیتے ہوئے ان کا کہنا تھا، میرے لیے اوپننگ ایک نیا رول ہے، ٹیم کی ڈیمانڈ پر یہ ذمہ داری لی ہے، آج رضوان اور سلمان نے اچھا گیم کھیلا ہے، ایسی کارکردگی سے ٹیم میں اعتماد آتا ہے۔
اپنی پرمارمنس پربابر اعظم نے کہا کہ، کوشش کرتا ہوں کہ اچھا کھیلوں مگر سیٹ ہونے کے بعد لمبی اننگز نہیں کھیل پا رہا، میں اس چیز پر کام کر رہا ہوں کہ کیسے اس صورتحال سے نکلنا ہے۔ اور میں ماضی کی کارکردگی کے بجائے مستقبل کی کامیابی پر زیادہ دھیان دیتا ہوں۔