ڈونلڈ ٹرمپ کے نئے ٹیرف کے بعد پاکستان کی سٹاک مارکیٹ میں گزشتہ روز بھونچال دیکھنے میں آیا تاہم دوسری جانب سونے کی قیمت میں بھی گراوٹ کا شکار ہو گئی ہے اور آج ایک مرتبہ پھر بڑی کمی دیکھنے میں آئی ہے ۔
تفصیلات کے مطابق پاکستان کی مقامی صرافہ مارکیٹ میں فی تولہ سونے کی قیمت میں 2 ہزار روپے کی کمی ریکارڈ کی گئی جس کے بعد قیمت 3 لاکھ 18 ہزار روپے پر آ گئی ہے جبکہ دس گرام سونے کی قیمت میں 1715 روپے کمی کے بعد 2 لاکھ 72 ہزار 633 روپے کا ہو گیاہے ۔
22 قیرات 10 گرام سونے کی قیمت میں 1572 روپے کمی ہوئی جس کے بعد نئی قیمت 2 لاکھ 49 ہزار 922 روپے پر آ گئی ۔ عالمی منڈی میں فی اونس سونے کی قیمت میں 28 ڈالر کمی ہوئی جس کے بعد قیمت 3 ہزار 10 ڈالر فی اونس ہو گئی ہے ۔
آج پاکستان میں چاندی کی قیمت میں بھی 50 روپے فی تولہ کمی دیکھنے میں آئی ہے ، قیمت 3 ہزار 170 روپے فی تولہ پر آ گئی ہے ۔