تین میچز پر مشتمل ٹی 20 سیریز کے آخری میچ میں پاکستان نے بنگلہ دیش کے خلاف ٹاس جیت کر فیلڈنگ کا فیصلہ کیا ہے۔
لاہور کے قذافی سٹیڈیم میں میچ کا آغاز رات آٹھ بجے ہو گا۔دو میچز جیت کر پاکستان پہلے ہی سیریز اپنے نام کر چکا ہے تاہم وائٹ واش سے بچنے کے لیے بنگلہ دیش کے لیے ضروری ہے کہ وہ آج کا میچ جیتے۔مقامی میڈیا رپورٹس کے مطابق پاکستان کے خلاف سیریز کے آخری ٹی20 میچ سے قبل بنگلہ دیش کرکٹ ٹیم اہم ترین کھلاڑی سے محروم ہو گئی ہے۔رپورٹس کے مطابق بنگلہ دیشی فاسٹ بولر شرف الاسلام کمر کی انجری کے باعث آج منعقد ہونے والے سیریز کے تیسرے اور آخری ٹی20 میچ میں پلیئنگ الیون کا حصہ نہیں ہوں گے۔شرف الاسلام کی عدم موجودگی میں فاسٹ بولر خالد احمد کو آخری ٹی20 میں پلئینگ الیون کا حصہ بنائے جانے کا امکان ہے، اسکے علاوہ نجم الحسین شانتو کو بھی موقع مل سکتا ہے۔