ترجمان دفتر خارجہ شفقت علی خان نے کہا ہے کہ وزیراعظم شہباز شریف کل 12 جون کو متحدہ عرب امارات کا سرکاری دورہ کریں گے۔
ایک بیان میں ترجمان دفترخارجہ نے کہا کہ وزیراعظم کے ہمراہ اعلیٰ سطحی وفد بھی یو اے ای جائے گا۔
یہ دورہ پاک یو اے ای گہرے برادرانہ تعلقات کی عکاسی کرتا ہے۔
انہوں نے کہا کہ وفد میں نائب وزیراعظم و وزیر خارجہ اسحاق ڈار، وفاقی وزراء اور سینئر افسران شامل ہوں گے۔
وزیراعظم کی اماراتی صدر محمد بن زاید النہیان سے بھی ملاقات ہو گی۔
وزیرِ اعظم ترجمان دفترخارجہ کا کہنا تھا کہ دورے میں دو طرفہ، علاقائی اور عالمی امور پر تبادلہ خیال ہو گا، دورہ دونوں ممالک کے درمیان اقتصادی تعاون کو مزید فروغ دے گا۔
پاکستان اور یو اے ای نئی جہتوں میں اشتراک کاخواہاں ہے۔