|
شمالی انڈیا کی ریاست میں ایک دولہے نے عین شادی کے دن
دلہن کو چھوڑ دیا۔
دولہے نے الزام لگایا تھا کہ دلہن میسجنگ سروس واٹس ایپ پر بہت وقت ضائع
کرتی ہے۔ تاہم دلہن نے اس الزام کی تردید کی ہے۔
دلہن کا تعلق امروہہ ضلعے کے ایک گاؤں سے ہے، اور اب اس کے خاندان نے دولہے
کے خلاف مقدمہ دائر کر دیا ہے۔
انہوں نے الزام لگایا ہے کہ دولہے نے جہیز میں بڑی رقم کا مطالبہ کیا تھا۔
واٹس ایپ انڈیا میں بےحد مقبول ہے اور اس کے 20 کروڑ سے زیادہ صارف ہیں۔
تاہم حالیہ مہینوں میں اس کی سروس تنازعے کا شکار ہو گئی ہے کیوں کہ حکومتی
عہدے داروں کا کہنا ہے کہ اسے بےبنیاد افواہیں پھیلانے کے لیے استعمال کیا
جا رہا ہے جس سے تشدد کو فروغ ملتا ہے۔ |