|
پاکستان کے معروف بسکٹ مینوفیکچرر EBM کا HOPE پروجیکٹ
کیلئے ڈپارٹمنٹ فار انٹرنیشنل ڈیولپمنٹ (DFID) اور ریکٹ بینکسر (RB) کے
ساتھ اشتراک
9اکتوبر 2018کراچی۔ ُپاکستان کے معروف بسکٹ مینوفیکچرر EBMنے HOPEپروجیکٹ
کیلئے ڈپارٹمنٹ فار انٹرنیشنل ڈیولپمنٹ (DFID)اور ریکٹ بینکسر پاکستان کے
علاوہ دیگر پروڈکٹ پارٹنرز بشمول شیلڈ کارپوریشن، شان فوڈز اور سینٹکس کے
ساتھ ساتھ UK DFID - funded Business Innovation Facility (BIF) اور رورل
سپورٹ پروگرام نیٹ ورک (RSPN)کے تعاون سے HOPE پروجیکٹ کیلئے اشتراک کیا جس
کا مقصد دیہی خواتین کو بااختیار بنانا اور صحت کے مختلف مسائل جیسے
ڈائریاکے حل کیلئے خدمات پیش کرنا ہے جو آج کل پاکستان کے کئی دیہی علاقوں
کے لوگوں میں پھیلا ہوا ہے۔
|
|
|
|
اس اشتراک کے پیچھے کا مقصد صحت کے بارے میں آگہی پیدا کرنے کے علاوہ
غذائیت اور حفظان صحت کی اہمیت اجاگر کرنا ہے جس سے ڈائریا اور دوسرے
متعلقہ امراض سے خطرے کو کم کرنے میں مدد ملے گی۔ بااختیار بنانے کے پلان
کے تحت خواتین میں باسکٹس تقسیم کی جائیں گی جن میں صحت اور حفظان صحت سے
متعلق ضروری اشیاء ہوں گی اور وہ براہ راست دیہی علاقوں میں پہنچائی جائیں
گی۔ اس کے علاوہ EBMکی جانب سے ضروری کیلشیم اور وٹامن سے بھرپوراور
پسندیدہ برانڈ Peek Freans گلوکو رعایتی قیمت پرفراہم کیا جائے گا۔ پروجیکٹ
HOPE کم آمدنی والے گھرانوں کی مدد کرنے کے علاوہ ان کو اپنی کمیونٹی میں
طویل المدت مثبت تبدیلی لانے کیلئے حوصلہ افزائی بھی کرے گا۔ یہ خصوصی طور
پر ان خواتین پر توجہ مرکوز کرے گا جہاں مرد کو گھر کے معاملات میں فیصلہ
کرنے کا اختیار حاصل ہوتا ہے اور خواتین کو اچھی حفظان صحت اور صفائی کے
اصولوں کو اختیار کرنے کی ترغیب دے گا تاکہ مختلف پھیلنے والی بیماریوں سے
حفاظت ہو اور ان کی فیملی صحت مند رہے۔اس اشتراک میں شریک تمام ادارے باہم
مل کر پورے پنجاب میں ایک ملین گھرانوں تک یہ آگہی فراہم کریں گے تاکہ
معاشر ے میں یقینی طور پر ایک بڑی سماجی خدمت کا تاثر قائم ہو۔
اس موقع پر تقریر کرتے ہوئے ڈپارٹمنٹ فار انٹرنیشنل ڈیولپمنٹ کی یوکے میں
موجود ہیڈ آف بزنس انگیجمنٹ، لارا کیلی (Laura Kelly)نے کہا،"پروجیکٹHOPE
کے ذریعہ کمپنیز اور بڑے پیمانہ پر سول سوسائٹی کو مل کر نئی مارکیٹس میں
صحت اور حفظان صحت کی پروڈکٹس فراہم کی جائیں گی۔اس کے علاوہ دیہی خواتین
کو کاروبار اور ترقی کیلئے معاشی طور پر بااختیار بنانے کیلئے بھی مدد دی
جائے گی۔
EBM کی منیجنگ ڈائریکٹر اور سی ای او ڈاکٹر زیلاف منیر نے اپنے خیالات کا
اظہار کرتے ہوئے پاکستان میں ایک مستحکم ترقی کی ضرورت پر زور دیا:EBM"اپنے
صارفین کو ہمیشہ بہترین کی فراہمی پر یقین رکھتا ہے۔کمپنی کے اخلاقی اصول
ہمیشہ خوب سے خوب ترکیلئے کوشاں رہتے ہیں اس بناء پر یہ پروجیکٹ ہماری
فلاسفی کے عین مطابق ہے۔ ہمیں یقین کامل ہے کہ مستحکم عمل ابتدائی سطح سے
ہی ہوتے ہیں اور جب کمیونٹی ترقی کرتی ہے تو کمپنی ترقی کرتی ہے۔"
|
|
|
|
انہوں نے مزید کہا"یہ کہنابے جا نہ ہوگا کہ اچھی اور معیاری غذائیت کی وجہ
سے ہی دنیا بھر میں لوگ ترقی کرتے ہیں اور کامیابیاں حاصل کرتے ہیں"۔غذائیت
سے بھرپورخوراک اور حفظان صحت کے اصول اپنانے کی ضرورت پر زور دیتے ہوئے
انہوں نے کہا،"ہم نے پاکستان کے روشن ترمستقبل کے امکان سے قریب تر ہونے
کیلئے قدم بڑھایا ہے۔"
|