صرف 1 ڈالر رشوت لینے پر ٹرک ڈرائیور کو جرمانہ اور قید

سنگاپور میں دو چینی تارکینِ وطن کارکنوں کو ٹریفک ڈرائیور سے 1 ڈالر رشوت طلب کرنے کے الزام میں گرفتار کر لیا ہے-

یہ دونوں چینی کارکن فورک لفٹر ٹرک ڈرائیور کے طور پر اپنے فرائض سرانجام دے رہے تھے- ان کا کام لفٹر ٹرک کی مدد سے مال کی ترسیل کے لیے استعمال ہونے والے ٹرکوں پر مال چڑھانا یا ان سے اتارنا تھا-
 

دونوں چینی کارکنوں پر الزام ہے کہ انہوں نے پورٹ پر مال اتارنے اور وصول کرنے کے لیے آنے والے ٹرک ڈرائیوروں سے متعدد بار ایک ڈالر کی رشوت لی ہے- یہ رشوت کام جلدی کرنے کی مد میں وصول کی جاتی تھی-

سنگاپور کے قانون کے مطابق جرم ثابت ہونے کی صورت میں 47 سالہ Chen Ziliang اور 43 سالہ Zhao Yucun کو 5 سال قید اور 1 لاکھ ڈالر جرمانے کی سزا مل سکتی ہے-

سنگاپور کو یہ اعزاز حاصل ہے کہ اس کا شمار دنیا کے سب سے کم کرپشن والے ممالک میں کیا جاتا ہے-

دونوں چینی کارکن Cogent Container Depot کے لیے اپنے فرائض انجام دے رہے تھے-
 

سنگاپور کے بدعنوانی کی تحقیقات کرنے والے ادارے کا کہنا ہے کہ “ اگرچہ 1 ڈالر کی رقم معمولی ہے لیکن کرپشن کے نام پر لی جانے والی اس معمولی رقم کو بھی کسی صورت برداشت نہیں کیا جاسکتا“-