ٹیکس بڑھنے سے 7 ہزار والا اسمارٹ فون کتنے کا ہوگیا؟

حکومت کی جانب سے موبائل فونز کی درآمد پر بھاری ڈیوٹی عائد کر دی گئی ہے۔ جس کے بعد ٹیکس میں اضافے کی وجہ سے سے مختلف اقسام کے سمارٹ فونز 4 ہزار سے 50 ہزار روپے تک مہنگے ہو گئے ہیں۔
 

موبائل فونز ڈیلرز ایسوسی ایشن کے مطابق حکومت کے اس اقدام سے عوام کے لئے سمارٹ فونز خریدنا اب انتہائی مشکل ہوجائے گا۔ ٹیکس آمدن میں اضافے کی خاطر حکومت نے موبائل فونز کی درآمد پر ڈیوٹی 4 ہزار سے 50 ہزار روپے تک بڑھائی ہے جس کے بعد 7 ہزار والا سمارٹ فون 11 ہزار روپے کا ہو گیا ہے۔

اسی طرح جو اسمارٹ فون 14 ہزار کا دستیاب تھا اب وہ 20 ہزار روپے کا کر دیا گیا اور 21 ہزار والا سمارٹ فونز 8 ہزار اضافے 29 ہزار روپے کا ہو گیا جبکہ 1 لاکھ والا سمارٹ فونز اب ایک لاکھ 42 ہزار روپے کا ہو گیا۔

موبائل فونز ڈیلرز کا کہنا ہے کہ حکومت نے موبائل فونز کی درآمد پر بھاری ڈیوٹی تو عائد کر دی ہیں مگر حکومت کے اس فیصلے سے درآمد کنندگان کو مشکلات کا سامنا ہے-
 

دوسری جانب عوام کے لئے بھی اتنے مہنگے فونز خریدنا انتہائی مشکل ہو جائے گا اس لئے حکومت کو اپنے اس فیصلے نظر ثانی کرنی چاہیے۔