'بیک ٹو دا فیوچر ٹو' کے اسمارٹ تسمے حقیقی دنیا میں

کھیلوں کا ساز و سامان بنانے والی امریکی کمپنی نائیکی نے خود کار تسمے متعارف کروائے ہیں۔ یہ تسمے خود سے جوتوں پر فِٹ ہو جائیں گے اور انھیں سمارٹ فون سے کنٹرول کیا جا سکے گا۔
 

image


خود کار طریقے سے تسمے سخت کرنے کی ٹیکنالوجی سے لیس جوتے مشہور فلم 'بیک ٹو دا فیوچر ٹو' میں دکھائے گئے تھے تاہم نائیکی نے سنہ 2016 میں انھیں حقیقت کا روپ دیا۔

نائیکی کے اس تازہ ترین ورژن کو نائیکی ایڈاپٹ کا نام دیا گیا ہے جس پر 350 ڈالر کی لاگت آئے گی اور ان تسموں کو باندھنے کرنے کے لیے کسی بٹن کی ضرورت نہیں ہو گی۔

خود بخود بند ہونے والے تسموں کو لائیو سٹریمنگ پلیٹ فارم ٹویچ کے ذریعے متعارف کروایا گیا۔

نائیکی کے کریٹیو ڈائریکٹر برائے انوویشن ایرک ایوار کا کہنا ہے ’ہم نے جان بوجھ کر باسکٹ بال کو نائیکی ایڈاپٹ کے لیے پہلے کھیل کے لیے منتخب کیا کیونکہ اس کھیل میں ایتھلیٹس کے جوتوں پر بہت دباؤ پڑتا ہے‘۔
 

image

صارف ان تسموں کو حسب ضرورت فِٹ اور ایک سمارٹ فون ایپ کے ذریعے کنٹرول کر سکتے ہیں جو اسے اس کی ترجیحات کے مطابق محفوظ کرے گا۔ صارف کھیل کے مختلف لمحات میں مختلف سیٹنگز کر سکے گا جس میں یہ ٹائم آؤٹ کے دوران کھل جائیں گے اور کھیل شروع ہونے سے پہلے پھر سے بندھ سکیں گے۔

جب کھلاڑی جوتے پہنیں گے تو یہ تسمے ایک موٹر اور گیئر کی مدد سے صورتحال کو سمجھ کر اس کے مطابق خود بخود ایڈجسٹ کریں گے۔

یہ ایپ ڈیٹا کو بھی محفوظ کرے گی جسے ایتھلیٹس نائیکی کے ساتھ شیئر کر سکتے ہیں۔

یہ خود کار تسموں والے جوتے فروری سے فروخت کے لیے پیش کیے جائیں گے۔

ویری ایبل ٹیکنالوجی ویب سائٹ کے مدیر مائیکل شا کا کہنا ہے ’لوگوں کو خودکار تسموں والے جوتے اس لیے بھی زیادہ پسند ہیں کیونکہ انھوں نے اسے فلم بیک تو فیوچر میں دیکھا تھا تاہم اب یہ فلمی دنیا سے اصل دنیا میں داخل ہو رہے ہیں۔‘
 

image


ان کے مطابق نائیکی کا کہنا ہے کہ وہ اس ٹیکنالوجی کو دوسرے جوتوں میں لے کر جا رہا ہے لیکن میں سمجھتا ہوں کہ یہ شعبدہ کاری ہو سکتی ہے بجائے اس کے یہ اصل میں فائدہ مند ہو۔

کنسلٹینٹ کمپنی سی سی ایس انسائٹ کے موبائل تجزیہ کار بین ووڈ کا کہنا ہے ’ایک طویل عرصے سے ہم نے سمارٹ جوتے میں ترقی کی پیش گوئی کی ہے۔ یہ ٹیکنالوجی کے لیے ایک منطقی جگہ ہے لیکن جوتے بنانے والوں کی اصل منشا یہ ہے کہ یہ ٹیکنالوجی کارکردگی اور پہننے کے بارے میں معلومات حاصل کرنے کی صلاحیت پیش کرتی ہے۔


Partner Content: BBC URDU

YOU MAY ALSO LIKE:

The Adapt BB, priced at $350, does more than just lace itself. Using a power lacing system called Fit Adapt, users can adjust to find the perfect fit whether it's manually or digitally, using the Nike Adapt mobile app. A custom motor and gear train tighten or loosen to customize to your foot.