|
بھارت میں انتہا پسندی اور پاکستان دشمنی عروج پر پہنچ
گئی ، بھارت کی جیل میں قید پاکستانی کو قتل کر دیا گیا ہے ۔
ابتدائی رپورٹس کے مطابق اس قتل میں دو بھارتی قیدی ملوث ہے- تاہم بھارتی
پولیس نے واقعہ کی تحقیقات کا آغاز کردیا ہے-
یہ افسوسناک واقعہ بھارت کی جے پور سینٹرل میں پیش آیا جہاں مبینہ طور پر
دو بھارتی قیدیوں نے ایک پاکستانی قیدی شکور الیاس محمد کو قتل کردیا-
کہا جا رہا ہے ان قیدیوں نے پلوامہ حملے کے بدلے کے طور پر پاکستانی قیدی
کو قتل کیا-
یاد رہے کہ 14 فروری کو مقبوضہ کشمیر کے ضلع پلوامہ میں بھارتی سیکیورٹی
اہلکاروں کی بس پر کارخودکش حملے میں 45 سے زائد فوجی اہلکار ہلاک ہوگئے
تھے جب کہ متعدد زخمی ہوئے تھے۔
پلوامہ حملے کے بعد سے ہی بھارت نے بغیر کسی تحقیقات کے پاکستان پر الزام
تراشی کا سلسلہ شروع کررکھا ہے اور دونوں ممالک کے درمیان سفارتی تعلقات
کشیدہ ہوگئے ہیں۔ |